ندوة وطنية تبحث إقامة مركز يُنظّم عمليات التبرع بالأعضاء في سورية

ندوة وطنية تبحث إقامة مركز يُنظّم عمليات التبرع بالأعضاء في سورية

دمشق:
تناولت الندوة الوطنية التي أقامتها وزارة الصحة في فندق الفورسيزنز واقع التبرع بالأعضاء وزرعها في سورية، والتطلعات والبرامج المستقبلية لتوحيد العمل في مركز واحد يضع القواعد والنظم لزرع الأعضاء والتبرع بها.

وأشار الدكتور رضا سعيد وزير الصحة إلى أن المركز سيقوم بتنظيم عمليات ترتيب الحاجة إلى التبرع بالأعضاء وزرعها لكل نوع من أنواع الزرع: (كلية، كبد، قرنية...) والتنسيق بين الخدمات المقدمة لمرضى القصور العضوي النهائي من قبل القطاعات المختلفة والإشراف على برامج زراعة الأعضاء.

وأضاف وزير الصحة أن الهدف هو الوصول إلى سجل وطني موحد لجميع المتبرعين أو المحتاجين للأعضاء تبني عليه الوزارة الخطط المستقبلية بشكل يسمح بتغطية الاحتياجات من الأعضاء بما يحقق التطابق بين المتبرع والمحتاج اعتماداً على بيانات دقيقة يحويها السجل الخاص لكل مريض بشكل يغني عن الاعتماد على المصادر الخارجية كاستيراد الأعضاء أو السفر إلى الدول الأخرى لزراعتها. لافتاً إلى أن الوزارة ستعمل على تحديد الخطوات المقبلة في توحيد المرجعية بالتعاون والتنسيق مع القطاع الخاص والجهات المعنية الأخرى لبدء العمل وتسريع الإجراءات.

وأوضح وزير الصحة أهمية تعديل القوانين واستصدار قوانين جديدة والاطلاع على تجارب الدول الأخرى للوصول إلى صيغة واضحة محلياً ومعتمدة عالمياً لإنشاء المركز الوطني لزراعة الأعضاء ووضع القوانين التنفيذية الناظمة لعمله على أن يتم افتتاحه خلال أشهر مبيناً أن المركز سيكون باعتماد بنك العيون مقراً له بعد تحقيق الشروط اللازمة له كمركز مستقل من حيث الإدارة والطواقم والتجهيزات.

وتناولت مناقشات الندوة التي ضمت أطباء وخبراء من سورية والوطن العربي ومنظمة الصحة العالمية أهمية التبرع بأعضاء المتوفين دماغياً في حل مشكلة فشل الأعضاء، والحلول المقترحة لتخطي عوائق البدء ببرنامج التبرع، إضافة للاطلاع على الخبرات العالمية المتعلقة ببرامج التبرع بأعضاء الأحياء وأخلاقيات التبرع بالأعضاء وفق البروتوكولات والاتفاقيات الدولية الناظمة لذلك.

كما ناقشت محاور الندوة طرق الوصول إلى الاكتفاء الذاتي في زرع الأعضاء وتحديات التبرع من المتوفين دماغياً والمتبرعين الأحياء غير الأقارب ورؤية منظمة الصحة العالمية في التبرع بالأعضاء من الأحياء والمتوفين دماغياً وكيفية تطوير برامج التبرع مستقبلاً.
عنجد هاد احسن شي صار ومن زمان كان لازم يصيربس ما يطلعولنا بقصص بيصير وما بيصير
لانو حياة كتير عالم متوقفة على هيك قرار وما بعرف السبب اللي بيخلي شعوبنا تتحفظ على التبرع بالاعضاء ع كل انشالله خير
ومتل ما بتقول احلام مستغانمي اليابان بتتطور بالعقل ونحنا منتراجع بعواطفنا
ياريت كل واحد يعطي رأيو بالتبرع بالاعضاء وهل ممكن اذا صار عنا هيدا الشي يوقع على وثيقة التبرع بالاعضاء (بعيد الشر عن الجميع)

ومتل ما بتقول احلام مستغانمي اليابان بتتطور بالعقل ونحنا منتراجع بعواطفنا

انا معك مية بالمية بلانكا ومع احلام مستغانمي بها القول

بس خلينا نكون واقعيين شوي

اذا دخلتي للمجتمع وتعمقتي فيه

راح تلاقي العاطفة تغلب العقل لأنو هيك تركيبة المجتمع

وهيك التربية

طبعا للأسف........................

انا مع قضية التبرع بالاعضاء ومتشدد لوجودها

بس مجتمعي بيرفض هالامر هاد لأنو مجتمع شرقي بحت

وانا ما فيني غير المجتمع

بس انا وانتي ممكن نغيروا

كمبدأ عيدان الخشب لا يمكن لشخص واحد كسرها ولكن اذا حدث واجتمع اكثر

من واحد سيستطيعون كسرها

###################################################

موضوع جميل كتير وحساس وانا عطيت رأي فيه بكل صراحة

تقبلي مروري

ندوة وطنية تبحث إقامة مركز يُنظّم عمليات التبرع بالأعضاء في سورية 31740

ندوة وطنية تبحث إقامة مركز يُنظّم عمليات التبرع بالأعضاء في سورية 31740

يعني شو بالنهاية

شالموضوع كتير حلو ومفيد والتبرع بلأعضاء موضوع كتير كويس لأنو متل ما نذكر في عالم كتير عم تتوقف حياتها على هيك شي
وإذا فينا نخلي إنسان يعيش بدون ما نضر الأخرين ليش لا
ويتوقع ما في داعي للعواطف بهيك أمر نترك العواطف لمواضيع تانية
وأنا مع ها لفكرة ندوة وطنية تبحث إقامة مركز يُنظّم عمليات التبرع بالأعضاء في سورية 69627

ندوة وطنية تبحث إقامة مركز يُنظّم عمليات التبرع بالأعضاء في سورية 69627

homam91 كتب:: يعني شو بالنهاية

أتمنى الرد بجدية اكثر على موضوع مهم

شكرا بلانكا ع الموضوع
انا ماني مع فكرة التبرع
لانو ما بيمشي حالها عنا

بس كانو انتي اختصاصك طبي ؟؟

هلق اللي بدي وصلو انو انتو مع الفكرة او لا مو اذا بيمشي حالها او لا
لانو بظن رح يكون الكل مع الفكرة بشرط ماتقرب عليه او على حدا بيعرفو
مع العلم انو الموضوع هوي (للاشخاص اللي مصابين بموت جذع الدماغ اللي مو قدرانين يتنفسو
يشكل منفصل عن المنفسة الاصطناعية وما رح يرجعو للوعي مرة تانية)وانا مع التبرع من هاي الناحية لاشخاص محتاجينها بالنهاية هاد موضوع حساس للجهتين المتبرع والاخذ وبشوف انو اهل المتبرع هنن اللي عم ياخدو القرار لهيك برة في وثيقة بتتوقع من قبل الشخص نفسه وبيحدد الاعضاء اللي حابب يتبرع فيها (قرنية كلية قلب......)ونحنا عنا مجرد ذكر الموضوع بتحس الناس استغربوا
بس في ناحية التبرع مثلا بكلية من شخص طبيعي هي بظن انو الموضوع رح يكون كتير مثالي لشخص مابتعرفو بس بتصير بين الاقارب
شكرا
فوضـ الحواس ـى ABOALLAITH fofooo
صح انا بدرس بكلية الطب البشري

بالبداية شكراااااا ع هالموضوع المهم

انا مع التبرع بالأعضاء

مع التدقيق على كلمة ( تبرع )

وضد شي اسمو تجارة أة الاتجار بالأعضاء

مشكووووورررة بلانكا

وفرصة سعيدة لالنا

ولانضمامك لمنتدانا

ودائما اتمنى ان تزويدنا بكل ماهو مهم بالنسبة لــ لموضوع الطب

DRAGON

هلق التجارة بتصير بالهند مو عنا بس منشوف شو رح يصير

يعني الموضوع رح يكون منظم هون لانو بيصير في لوائح بالاشخاص حسب الاولوية

ومابتوصل الشغلة للتجارة

على كل الفكرة مطروحة ولسا ماصار شي لنحكم عليه

شكرا ع المرور

نورتي المنتدى بلانكا

وانشالله موفقة بدراستك
وعموما شباب سلمية بالطب بكونو متفوقين
ورفيقي الاول ع كلية الطب بحلب
سنة سادسة هوي

اولا شكرا موضوع هام كتير وانا احد الاشخاص الي مع التبرع بالاعضاء واي رح وقع عالوثيقة بس طبعا انا عم احكي عن حالي اما اذا تعلق الموضوع (بالغوالي) فاذا ما كانو موقعين عوثيقة التبرع اكيد ما رح اسمح لاحد ياخد قرار نيابة عنهن و يسمح بالتبرع باعضائن حتى لو كان هادا التبرع رح ينقذ حياة مليون طفل بريئ ( هادي مو مشكلتي ) بعرف البعض ممكن يقول اني انسان اناني بس صراحة انا العكس تماما لانو انا ماني عم احكي عن نفسي كمتبرع عم احكي عن الاشخاص الي بيهموني و الي ما صرحو قبل الحادثة برغبتن بالتبرع ( بعيد الشر عن الجميع )

شكرا ABOALLAITH ومحسوبتك هون سادسة وتخرج كمان يلا ادعولنا لكن

GIO-METAL HEAD الموضوع حطينا للنقاش يعني مو مشان الاقناع ولما هيك بتقول فهاد مو انانية ابدا
هي غيرة عاللي بتحبن وانا مع هيدا التعلق بالاشخاص اللي بيهموك وخاصة انك قلت انك بتوقع وهاد اللي كنت بدي اعرفو ومتل ماقلنا ماعلى حدا شر بس هيك حبيت اعرف رأيكن بالفكرة وبس
وشــــــــــــــــتكرا عالمرور