منتدى اجتماعي ثقافي ترفيهي منوع سلموني
 
الرئيسيةس .و .جبحـثالأعضاءالتسجيلدخول
لقد تم ايقاف العمل في هذا المنتدى بسبب الانتقال الى المنتدى الجديد ... نتشرف بزيارتكم لنا على الرابط التالي http://salamees.com/   وتسجيل عضوياتكم من جديد... شكرا لكم
بحـث
 
 

نتائج البحث
 
Rechercher بحث متقدم
المواضيع الأخيرة
» ثعبان في بطن إمرأة
الأحد ديسمبر 13, 2009 9:09 am من طرف slim shade

» سؤال أتمنى الاجابة عليه
الأحد ديسمبر 13, 2009 8:54 am من طرف slim shade

» قصص قصيرة جدا
الأحد ديسمبر 13, 2009 8:41 am من طرف ABOALLAITH

» دعاء مدرسة لغة عربية تزوج عليها زوجها
الأحد ديسمبر 13, 2009 8:39 am من طرف slim shade

» أحلام مستغانمي فوضى الحواس
الأحد ديسمبر 13, 2009 8:32 am من طرف slim shade

» عبارات مؤلمة جدا
الأحد ديسمبر 13, 2009 8:20 am من طرف ABOALLAITH

» الجميلات هن الجميلات
الأحد ديسمبر 13, 2009 8:17 am من طرف ABOALLAITH

» مع أو ضد ... أرجو التفاعل من الجميع
الأحد ديسمبر 13, 2009 8:12 am من طرف slim shade

» بخصوص المنتدى الجديد... بشرى للجميع
الأحد ديسمبر 13, 2009 7:35 am من طرف slim shade

من نحن ؟
مجموعة شباب نسعى للرقي بشباب مدينتنا
من خلال تبادل الآراء وطرح المواضيع المهمة
أفضل 10 أعضاء في هذا المنتدى
ABOALLAITH
 
DRAGON
 
salim.almir
 
فوضـ الحواس ـى
 
homam91
 
fofooo
 
kreemalward
 
عضو سابق
 
abo alwafe
 
بنوتة سلمية
 
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 16 بتاريخ الأربعاء يونيو 19, 2013 1:05 pm

شاطر | 
 

 هل حب الفتاة خيانة لاهلها؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ABOALLAITH
Administrator
Administrator
avatar

عدد المساهمات : 808
نقاط : 6770
تاريخ التسجيل : 11/09/2009
العمر : 29

مُساهمةموضوع: هل حب الفتاة خيانة لاهلها؟؟؟؟   الإثنين ديسمبر 07, 2009 8:51 am

هل حب الفتاة خيانة لأهلها؟

.............
أتمنى من الكل المشاركة في الموضوع ..

لما يحب شاب بنت معينة وصارح أهله أو ربعه بهالحب ..
محد يقدر يعيبه أو يقول له شي ..!!

بس لما البنت تحب شاب معين ..
تنقلب الدنيا .. و تصير خاينه لأهلها ..
و ما تقدر تصارح حد إلا صديقتها المقربه و مو دايما ً ..

سؤالي ينقسم لعدة أقسام ..

الأول ؟؟

هل الحب الشريف في مجتمعنا عيب كبير ؟؟!!

الثاني ؟؟

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!


في انتظار آراءكم ..

تحياتي لكم

************ التوقيع ***************


سلمية الفكر والأمجاد تعرفها
ذخر المعاني .. بها التاريخ يلتحم
الرجوع الى أعلى الصفحة اذهب الى الأسفل
salim.almir
Senior Moderator
Senior Moderator
avatar

الأوسمة : مشرف مميز
عدد المساهمات : 514
نقاط : 6225
تاريخ التسجيل : 25/09/2009
العمر : 30
الموقع : سلمية

مُساهمةموضوع: رد: هل حب الفتاة خيانة لاهلها؟؟؟؟   الإثنين ديسمبر 07, 2009 4:37 pm

هل الحب الشريف في مجتمعنا عيب كبير ؟؟!!
أعتقد إلى حد ما وليس برأيي بل برأي المجتمع ، أنا أتكلم عن نظرة المجتمع لهذه الظاهرة التي أرى فيها كل مظاهر الإنسانية .. وباعتقادي أبدا ليس الموضوع عيب .. لأنها المشاعر التي تتكلم عنا في كثير من المواقف ..



هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!
بالعكس تماما هادا الموضوع بيعبر عن شخصية كتير قوية للبنت طبعا إذا صار الكلام بطريقة راقية ومدروسة من قبل البنت ...
وأنا ما بشوف غلط بهالموضوع كمان ...



هل عاداتنا تسمح للرجل أن يحب
و لا تسمح للمرأة أن تحب ؟؟!!
إلى حد ما هذه الفكرة كانت موجودة إلى فترة تتجاوز العشرين سنة مضت من القرن الماضي أما من فترة التسعينات إلى هذه الأيام باعتقادي أن الأمور تغيرت بشكل كبير فللمرأة الحق الآن باختيار الشخص الذي تريده وهناك موافقة بشكل كبير على الاختيار ...
لأنه وبرأيي بالنهاية هذه حياتها ... (( لا أقصد ترك الموضوع إذا كنت شايف أي شي غلط وعدم تنبيهها ولكن .. أحترم إلى حد كبير خيارها ))



موضوعك أكثر من رائع ...
مشكورررررررررررر يا حبيب .....

************ التوقيع ***************



بفقرك بحبك ..
وبعزك بحبك ..
وأنا قلبي عإيدي ما ينساني قلبك ....
الرجوع الى أعلى الصفحة اذهب الى الأسفل
rabee
Members
Members
avatar

عدد المساهمات : 35
نقاط : 5640
تاريخ التسجيل : 01/10/2009
العمر : 32

مُساهمةموضوع: رد: هل حب الفتاة خيانة لاهلها؟؟؟؟   الإثنين ديسمبر 07, 2009 8:19 pm

انا برأيي من هق المراه انو اتحب وتعبر عن حبا
الرجوع الى أعلى الصفحة اذهب الى الأسفل
fofooo
Moderator
Moderator


الأوسمة : مشرفة مميزة
عدد المساهمات : 339
نقاط : 5998
تاريخ التسجيل : 15/09/2009

مُساهمةموضوع: رد: هل حب الفتاة خيانة لاهلها؟؟؟؟   الثلاثاء ديسمبر 08, 2009 11:31 pm

مشكور ابو الليث الموضوع كتير حلو بالنسبةهل الحب الشريف في مجتمعنا عيب كبير ؟؟!!

الحب مو عيب إذا البنت والشب عرفوا يحبوا بطريق صح
وبالنسبة هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟
أنا مع البنت تفصح عن حبها لانو ما في ضرورة تخبي مشاعرها واحتمال يكون الشب عندو خجل يفصح عن حبو لانو ممكن يكون خايف ينرفض يعني عادي صارت بوقتنا
وبالنسبةهل عاداتنا تسمح للرجل أن يحب
و لا تسمح للمرأة أن تحب ؟؟!!

هل للرجل مشاعر والأنثى ليس لها مشاعر وليش حتى العادات ترفض هالشي إذا كان كلو صح وما في أي غلط
ورح ارجع لسؤال
هل حب الفتاة خيانة لأهلها؟

لا مانو خيانة إذا البنت حاولت تفهم أهلها ولو كانت إمها لأن الأهل لازم يتفهمو هيك مواضيع لأنو بنات وشباب كتير بيضيعوا بسبب رفض ها الفكرة
الموضوع كتير حلو
الرجوع الى أعلى الصفحة اذهب الى الأسفل
ABOALLAITH
Administrator
Administrator
avatar

عدد المساهمات : 808
نقاط : 6770
تاريخ التسجيل : 11/09/2009
العمر : 29

مُساهمةموضوع: رد: هل حب الفتاة خيانة لاهلها؟؟؟؟   الثلاثاء ديسمبر 08, 2009 11:48 pm

شكرا لرايك الحلو fofoo
وكلامك صح بنسبة كبيرة

بس يا هل ترى كل المجتمع بيتقبل هالشي؟؟؟

************ التوقيع ***************


سلمية الفكر والأمجاد تعرفها
ذخر المعاني .. بها التاريخ يلتحم
الرجوع الى أعلى الصفحة اذهب الى الأسفل
suzan
Members
Members


عدد المساهمات : 26
نقاط : 5646
تاريخ التسجيل : 18/09/2009
العمر : 37
الموقع : طرطوس

مُساهمةموضوع: رد: هل حب الفتاة خيانة لاهلها؟؟؟؟   السبت ديسمبر 12, 2009 11:51 pm

السؤال الأول: اذا الحب الشريف عيب بمجتمعنا معناها كل الحب عيب طبعا الحب الشريف مو عيب لا من هلق ومن ايام زمان طالما العلاقة ضمن الحدود المسموح فيا مافي شي عيب ومابعتقد انو مجتمعنا متحجر لهي الدرجة لحتى يرفض الحب الشريف او يحاربو
السؤال التاني: هوي من حق الاتنين انو يفصحو عن مشاعرن بس احيانا البنت بتحكما التربية والعادات والتقاليد وبتمنعا انو هي الي تفصح عن حبا لكن بالاهتمام المتبادل من دون الافصاح بعتقد انو بينفهم شو القصد وهيك بتكون البنت وفرت على نفسا كلام ووجع راس بانو هي الي فصحت عن مشاعرا
السؤال التالت : من زمان كان هالشي اما الآن لا مافي يمكن هيك شي الأ في العائلات المحافظة جدا جدا والي لهلق للبنت مالها قرار حتى في عيشتا وبعتقد انو حتى بتكون القصة منتهية بين الاولاد وآخر شي الاهل هنن الي بيعرفو.
الرجوع الى أعلى الصفحة اذهب الى الأسفل
فكرة
Members
Members


عدد المساهمات : 16
نقاط : 5468
تاريخ التسجيل : 13/12/2009

مُساهمةموضوع: رد: هل حب الفتاة خيانة لاهلها؟؟؟؟   الأحد ديسمبر 13, 2009 3:56 am

السؤال الأول: اذا الحب الشريف عيب ؟؟؟؟؟؟؟؟؟؟
قبل ما ندخل و نحلل ..لازم نسأل شو هو الحب الشريف؟ و شو هو العيب؟
انا برأيي ان اي حب يكون بالاتفاق بين الطرفين(الحبيبين) يكون حب طبيعي مهما كان شكله ..وانا بكره استخدم كلمة شريف ...لانو من غير الصائب نضل نقييم الاشخاص على اساس حياتهم الخاصة ... لازم كل شخص يعيش حياته الخاصة بطريقته الخاصة بغض النظر عن الرأي الاخرين (المجتمع الرجعي المتخلف)
السؤال الثاني: هل من حق الانثى ان تعبر عن حبها؟؟؟؟؟؟؟؟
منذ الأزل كانت الهة الحب هي انثى ....طبعا ضمن هيدا المجتمع الذكوري يصبح من الصعب على الانثى ان تمارس هذا الحق البسيط ....طبعا من حقها ان تعبر عن الحب بل و هي الاقدر على التعبير عنه...
السؤال الثالث:هل عاداتنا تسمح للرجل ولا تسمح للمرأة؟؟؟؟؟؟
عاداتنا دائما تسمح للرجل و لا تسمح للمرأة كثير من الأمور و هيدي ابسطها.....بس هون لازم نحن نبلش نتابع التغيير الي بلشه الجيل الي قبلنا فعلا لنتحرر تماما من هيدي التقاليد و العادات البالية .....
هي مجرد فكرة
الرجوع الى أعلى الصفحة اذهب الى الأسفل
ABOALLAITH
Administrator
Administrator
avatar

عدد المساهمات : 808
نقاط : 6770
تاريخ التسجيل : 11/09/2009
العمر : 29

مُساهمةموضوع: رد: هل حب الفتاة خيانة لاهلها؟؟؟؟   الأحد ديسمبر 13, 2009 4:15 am

شكرا لرايك

بس اسمحيلي بهالفكرة

انو عاداتنا ومجتمعنا مو متخلفة

بس اخلاقية

وممكن البعض ما بحب اخلاقياتنا

لانو متربة تربية غربية

يعني بيتمثل بالغرب

نورتي

************ التوقيع ***************


سلمية الفكر والأمجاد تعرفها
ذخر المعاني .. بها التاريخ يلتحم
الرجوع الى أعلى الصفحة اذهب الى الأسفل
فكرة
Members
Members


عدد المساهمات : 16
نقاط : 5468
تاريخ التسجيل : 13/12/2009

مُساهمةموضوع: رد: هل حب الفتاة خيانة لاهلها؟؟؟؟   الأحد ديسمبر 13, 2009 4:42 am

شكرا لرأيك .... بس نحن لازم نكون صريحين مع حالنا ولازم نعترف ان كتير من عاداتنا متخلقة و رجعية ولما بننظر بعين الناقد لمجتمعنا بتكون الخطوه الأول نحو تطويره و الارتقاء فيه ,,,ودخيل عينك بلا ما نلزق كل شي بظهر المجتمع الغربي نحن لو منفهم شوي كيف تطور المجتمع الغربي ومنستفيد من تجربته صح ما كنا لهلق هون......يعني انا برأيي انو الشخص الي بحب شغله و بيخلصله و بيحترم الناس الي حوله و اهم شي بيحترم مواعيده و كلمته وفكره هو شخص اخلاقي بغض النظر عن حياته الخاصة ؟؟؟برأيك اذا كان الشخص هيك و بعيش حياة مساكنة مثلا بكون شخص مو أخلاقي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
ABOALLAITH
Administrator
Administrator
avatar

عدد المساهمات : 808
نقاط : 6770
تاريخ التسجيل : 11/09/2009
العمر : 29

مُساهمةموضوع: رد: هل حب الفتاة خيانة لاهلها؟؟؟؟   الأحد ديسمبر 13, 2009 4:52 am

هلق خلينا نحكي بصراحة

نحنا مجتمعنا وبيئتنا

يعني بسلمية

مانها متخلفة

هاد رايي

وانا معك وقت الشخص بكون ملتزم بهي الاشياء الي حكيتيها


بكون شخص منيح

وما النا علاقة بحياتو الخاصة

بس انا ما كنت عم علق على كل ردك

بس علقت على هجومك الشرس على الكجتمع

لاني انا بشوف بمجتمعنا خير اكتر من الغرب

بكفي العلاقات الاجتماعية الحلوة والمميزة

والعاطفة بين الاشخاص

************ التوقيع ***************


سلمية الفكر والأمجاد تعرفها
ذخر المعاني .. بها التاريخ يلتحم
الرجوع الى أعلى الصفحة اذهب الى الأسفل
مهند
Moderator
Moderator
avatar

عدد المساهمات : 73
نقاط : 5721
تاريخ التسجيل : 15/09/2009
العمر : 28
الموقع : سلميــــة

مُساهمةموضوع: رد: هل حب الفتاة خيانة لاهلها؟؟؟؟   الأحد ديسمبر 13, 2009 5:09 am

هل الحب الشريف في مجتمعنا عيب كبير ؟

أكيد لا ... بس ضروري أنو البنت أو حتى الشب يحبوا صح ويتعاملوا مع بعض بطريقة ما تسيء ألهن كأشخاص ... كمان لازم يراعي الطرفين انهن موجودين بمجتمع وأسرة بتخاف ع مصلحتن يعني مايفكر كل طرف أنو مافي غير الشخص اللي بيحبوا بالدنيا

هل من حق الانثى ان تعبر عن حبها؟

وين الغلط إذا البنت حبت وعبرت عن حبها .. بالاخير كل انسان فينا عندو مشاعر وبعض من هي المشاعر اذا ماعبرنا عنها منحس انو في شي بداخلنا رح ينفجر ... هلق المشكلة هون بطبيعة بناتنا ... اي بنت ممكن تحب شخص بس ماتعبرلو مجرد تعبير السبب برايهن (ما بدي طمعوا ) .


هل عاداتنا تسمح للرجل ولا تسمح للمرأة؟

عاداتنا مابتوقع انو بتمنع المرأة انها تحب ممكن تشكل عائق بس مو لدرجة كبيرة .. بس اي بنت بتعتبر انو الحب شكل من أشكال الضعف وبما انو المرأة انسانة ضعيفة فهي بتسعى لتعبر للرجل عن قوتها يلي بتمنعها من انو تدخل بتجربة حقيقية



بس حابب علق عالشي اللي ذكرو العضو فكرة


مافي شخص عندو حياة خاصة لأنو كل واحد منا عايش ضمن مجتمع واسرة واصدقاء .. يعني ممكن يتصرف تصرف غلط يسيء لشخص معين بهالحالة مافينا نقول انو هي حياتو الخاصة وهوي حر فيها .. الحياة الخاصة بتقتصر ع أفكار هالشخص وجسده وغير هيك اي شي بيعملو رح ينعكس سلبا او ايجابا عالاشخاص اللي حوالي

وبخصوص انو بمجتمعنا الذكوري هوي بيشكل عائق امام تعبير الفتاة عن حبها هدا شي موجود بس السبب الرئيسي بالبنت نفسها متل ماقلت سابقا


مع احترامي لرأيك ولكل الأراء لقالوها الشباب والصابايا

************ التوقيع ***************


وسيبقى عريــن الأســـد في سوريــة عريــن كل أســود العــرب
الرجوع الى أعلى الصفحة اذهب الى الأسفل
فكرة
Members
Members


عدد المساهمات : 16
نقاط : 5468
تاريخ التسجيل : 13/12/2009

مُساهمةموضوع: رد: هل حب الفتاة خيانة لاهلها؟؟؟؟   الأحد ديسمبر 13, 2009 5:35 am

[العلاقات الاجتماعية الحلوة والمميزة
مع احترامي لنظرتك للعلاقات الاجتماعية و الحلوة ... بس برأيي انو علاقاتنا كتير دبلوماسية مبنية على اللف و الدوران و استغياب الغائب و القال و القيل و برجع بقلك لما بدنا نطور المجتمع لازم ننظره نظرة ناقد واقعي]
الرجوع الى أعلى الصفحة اذهب الى الأسفل
ABOALLAITH
Administrator
Administrator
avatar

عدد المساهمات : 808
نقاط : 6770
تاريخ التسجيل : 11/09/2009
العمر : 29

مُساهمةموضوع: رد: هل حب الفتاة خيانة لاهلها؟؟؟؟   الأحد ديسمبر 13, 2009 5:43 am

والله انا بالنسبة الي علاقاتي

بشوفها مليئة بالصدق والمودة

وكتيير بحبها

بس لكل شخص فكر وراي

وانا بحترك وجهة نظرك .. وبنصحك تنظري نظرة ايجابية للمجتمع

بترتاحي

************ التوقيع ***************


سلمية الفكر والأمجاد تعرفها
ذخر المعاني .. بها التاريخ يلتحم
الرجوع الى أعلى الصفحة اذهب الى الأسفل
فكرة
Members
Members


عدد المساهمات : 16
نقاط : 5468
تاريخ التسجيل : 13/12/2009

مُساهمةموضوع: رد: هل حب الفتاة خيانة لاهلها؟؟؟؟   الأحد ديسمبر 13, 2009 5:47 am

شو هي الحياة الخاصة غير حرية الانسان بفكرة و بجسده؟؟؟؟؟؟؟؟؟؟؟يا مهند
بدي اطلب منك ما تتحامل على المرأة لهي الدرجة ولا تنسى انها نتاج طبيعي للضغوط و القيود التي يمارسها المجتمع عليها ....اطلب المستطاع...اذا اردت ان تكون المرأة منطلقة في حياته قادرة على التعبير عن مكنوناتها بمنها القوة و الجرأة فيجب من المجتمع ان يربيها على اساس الندية و التكافئ مع الرجل بكل الميادين لا ان يقيدها بقيود العيب و ما بصير و الحشمة و العين المكسورة و انت بنت وغيرها من مفروات المجتمع المتخلف ......
الرجوع الى أعلى الصفحة اذهب الى الأسفل
ABOALLAITH
Administrator
Administrator
avatar

عدد المساهمات : 808
نقاط : 6770
تاريخ التسجيل : 11/09/2009
العمر : 29

مُساهمةموضوع: رد: هل حب الفتاة خيانة لاهلها؟؟؟؟   الأحد ديسمبر 13, 2009 6:24 am

أنا معك بكل شي حكيتي

الا انو المجتمع متخلف

ما بعرف ليش اخدة هالنظرة السلبية hgf fdd

************ التوقيع ***************


سلمية الفكر والأمجاد تعرفها
ذخر المعاني .. بها التاريخ يلتحم
الرجوع الى أعلى الصفحة اذهب الى الأسفل
 
هل حب الفتاة خيانة لاهلها؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سلمية... دمعة الرومان :: قضايا ونقاشات-
انتقل الى: